Inoiz ez zarete bakarrik egongo

Euskal Herriko Mugimendu Feministaren oharra irakur dezakezu jarraian.


(Resumen en castellano, mas abajo)

EZ ZARETE, INOIZ, BORROKA HONETAN BAKARRIK EGONGO

 

25 urte dira, Hondarribiko emakume batzuek, herriko festetan modu parekidean parte hartzeko eskaera egin zutela. Urteak igaro ahala, gatazkak bizirik dirau. Hondarribian kasu, Jaizkibel konpainia parekideak beste ordutegi batekin desfilatzen jarraitzen du eta oraindik ere, ez dira urriak haien kontrako irain eta mespretxuak. Egoera hau guztiz injustua dela deritzogu. Gatazka hau konpontze bidean, erakunde publikoek ez dituzte urte hauetan guztietan prozesu eraginkorrak martxan jarri eta hori dela eta, egun, alardea baztertzailea eta pribatua da.

 

Euskal Herriko borrokagune nagusienetako bat izan da eta gure babes osoa eskaini nahi diegu, bai Irunen, bai Hondarribian alarde parekidearen aldeko apustua egin duten guztiei. Argi dugu: ez dugu etsiko alarde bateratu bat, publikoa eta berdinzalea izan arte. Hondarribiagatik, Irunengatik eta parekidetasunean oinarritutako herrialde batengatik, mila esker zuei guztiei! Jaia guztiontzat gozagarri izan dadin, herritar guztiei dei egiten diegu alarde parekidera gerturatu daitezen. Zortzian ikusiko dugu elkar, 7.15etan Alamedan! Eta ez ahaztu, aurten, koloretako zapiak soinean hartuta hurbilduko gara.

 

Gora Jaizkibel eta Gora festa parekideak!

 


 

¡Nunca estaréis solas en esta lucha!

Resumen de nota del movimiento feminista de Euskal Herria:

Este año también saldremos a la calle, para seguir apoyando a aquellas mujeres* que emprendieron este camino hace 25 años. Así lo haremos porque, como no podrá ser de otra manera, reivindicamos un modelo festivo participativo, paritario y justo.

 

Para que algún dia todas las fiestas sean para todas las personas, te invitamos a acudir a las 7:15 en Alameda (Hondarribia). ¡No olvides traerte tu pañuelo colorido!

 

Gora Jaizkibel!

Gora jai parekideak!

ETIKETAK

Elkarbanatu!

AGENDA