Emakume* Abertzaleon VII. topaketak
Datorren maiatzaren 6an, Bilgune Feministaren 15. urteurrena ospatu eta aurrera begirako urratsak partekatzeko asmoz, INDAR BAT GARA GU lemapean. Emakume* Abertzaleon VII. Topaketa Feministak antolatu ditugu Berriozarren. Hori dela eta, egun bateko topaketa antolatu dugu, urte hauetako ibilbidea elkarrekin konpartitzeko, ospatzeko eta aurrera begira, Euskal Herriaren burujabetza feminista helburu hartuta, erronka berrietan sakontzeko.
Emakume* Abertzaleon VII. Topaketa Feministetan, bizi dugun aldaketa feminista izan dadin, Trantsizio Feministan berretsiz botere(tze)a dugu jomuga nagusi. Gure ustez, gaurko baldintza politikoak abiapuntu harturik, garrantzia handiko eztabaida delako.
Hamabost urte hauetan luzea izan da egin dugun ibilbidea. Askotariko eztabaidak eta lan ildoak antolatu ditugu, betiere, gure herria feminismotik eraikitzeko nahiarekin.
Azken urteetan, norabide honetan, Trantsizio Feministaren oinarriak sakontzen egin dugu lan, horrela ezaugarrituz: feminismotik abiatutako prozesu politikoa da; Euskal Herria oinarri hartzen duena; zapalkuntzen arteko elkarreragina eta hauen arteko harremanei heltzen diena; irekia, dinamikoa eta elkarlanean oinarritua; herritarren auto-eraketan zein erakunde publikoetan eta mugimendu sozialetan feminismotik eragin nahi duena.
Alabaina, prozesu honetan, baditugu arretaz zaindu beharreko eztabaidak. Nola egin ibilbide hau gure moldeak, gure prozedurak, gure indarrak baliatuz? Euskal Herrian burujabetza feministaren aldeko eztabaida soziala sustatu nahi badugu, feminismoaren intzidentzia politikoa lehen planora ekartzea eskatzen digu honek.
Horregatik, botere(tze) feministaren inguruko hausnarketa antolatu nahi dugu maiatzaren 6an: feminismoaren diagnostiko konpartitu bat egiteko eta botere(tze) honen ezaugarriak elkarren artean definitzeko. Horretarako, honako galderak erantzun nahi ditugu: nola ikusten dugu feminismoa Euskal Herrian? Nola aliantzak, militantzia, kolektibitatea, konpromisoa eta lidergo feministak? Nolakoa da feminismotik sortu nahi dugun boterea?
Jardueraz beteriko eguna osatu dugu. Goizean eztabaida zabala eta dinamikoa antolatuko dugu honako galdera hauei erantzuten saiatzeko. Arratsaldean berriz, botere(tze) prozedurak askotariko praktikei lotuta jorratuko ditugu horretarako antolatu ditugun tailerretan. Iluntzean, kalean zein dantzalekuan, ospakizunei bukaera emanen diegu.
Zure parte hartzea ezinbestekoa da guretzako, argi baitugu elkarrekin baino ezingo garela boteretu, eta aldaketa hauspotzeko gai bagara: INDAR BAT GARA GU! Horregatik, maiatzaren 6an Berriozarren ikusiko garelakoan,
INDAR BAT GARA GU!
FEMINISMOAK EGITEN GAITU HERRI!
Informazio gehiagorako (aurrekariak, haur txokoa, egitaraua...) sakatu hemen
Eman izena / inscription / inscripción
Deskargatu aurkezpen testua eta egitarau orokorra beherago / Descárgate el texto de presentación y la programación general mas abajo
AGENDA
-
30
Elikadura burujabetza ikastaroa
Aurreinskripzioa irekita dago!
Baserrritik mundura: Gure Elikaduraren etorkizuna jokoan Elikadura Butujabetza eta Agroekología kurtsoko bigarren edizioaren informazioa bidaltzen dizuegu. Kurtsoa Hegoak eta EHNE-Bizkaiak antolatzen dute (2017ko urritik 2018 azarora)
Ikastaro honen helburua da balioan jartzea eta ezagutza sortzea nekazaritzatik eta nekazarientzat. Horretarako, La Via Campesinak erabilitako formazio prozesu pedagogiko metodologikoak erabiltzen ditugu euskal errealitatera gehituz eta egokituz.
Elikadura Burujabetzaren agendak nekazaritzaren eremua gainditzea nahi dugu, eta horretarako ekoizpen, banaketa eta kontsumo ereduek Euskal Herrian duten eragina aztertuko dugu, eta baita gizarte osoa inplikatzen duten eraldaketarako proposamenak ere.
Animatu zaitezte parte hartzera!!!
Aurre-matrikula: 2017eko maiatzaren 15etik ekainaren 30eraInformazio gehiago eta izen emateak hemen
-
22
Zuen murrizketak gure zama
ZUEN MURRIZKETAK, GURE ZAMA!
FEMINISTOK BABES SOZIALA DEFENDATU!
Murrizketak. Murrizketak eta murrizketak. Hori da Eusko Jaurlaritzak, EAEn, pobrezia egoeran aurkitzen diren 69.000 pertsonentzako pentsatu duen irtenbidea. Murrizketak eta pobrezia gehiago.
Maiatzaren 31n Araba, Bizkaia eta Gipuzkoako Enplegu eta Politika Sozialetako Departamenduak prestazio sozialerako sisteman egin zuen erreformaren neurriak iragarri zituen. Neurriok, orain arteko ildoari jarraituz, prestazioak jasotzeko baldintzen gogortzea ekarriko dute.
Azken urteetan etengabea eta oso gogorra izan da babes sozialeko sistemak jasandako erasoa.
2012.urteaz geroztik, aurrekontuetan %7ko murrizketa pairatu du.
Prestazioak eskuratu ahal izateko baldintzen gogortzea
SMI-aren %8ko igoera Lanbidek kudeatzen dituen jendarte laguntzetan ez aplikatzeko erabaki hartu berrria.
Horrez gain, jakin berri dugunez, RGI-ko erreformaren puntuetako bat izango da etxe bakoitzeko diru-laguntza bakarra eskatu ahalko dela. Erabaki honekin lan baldintza prekarioak dituzten pertsonen etxebizitzarako eskubideak mugatzeaz gain, familia eredu normatiboaren aldeko apustua da, egungo errealitateari ezikusiarena egiten diona eta bizikidetza mota desberdinen aukerak argi eta garbi urratzen dituena.
Murrizketa hauek salatu eta lehengoratzea exigitzeko, apirilaren 1ean Bilboko kaleetan milaka herritar mobilizatu ginen.
Sistemaren etengabeko erasoen salaketari, Beatriz Artolazabalek zuzentzen duen Departamenduak gidaturiko eta hainbat komunikabidek hauspoturiko kriminalizazio kanpaina arbuiatu nahi dugu. Era berean, prestazioak jasotzen dituzten pertsonei haztarna digitala ezartzea ozen salatu behar dugu.
Lan baldintzetan pairatzen ari garen prekarizazio bortitzak, handitu egin du arrakala soziala eta langile pobreen kolektiboa gero eta zabalagoa da. Langile hauek enpleguaren bidez ez dituzte diru-sarrera nahikoak lortzen eta behartuak daude prestazio sozialak eskatzera, ongizate duina bermatu ahal izateko.
Testuinguru honetan, emakumeok gara kaltetunetakoak, gu baikara, adibide bat jartzearren, kontratu partzialak dituztenen %30,8a. Eta emakumeon prekarietate maila altua, langabezia, soldata-arraila (brecha salarial delakoa) eta feminizatutako lanbideen desbalorizazioa gutxi balitz, dohainik egiten dugun lana ezin ahaztu. Gu gara sistema honek funtzionatzeko behar dituen zaintza lanak dohainik egiten ditugunak eta bizirauteko oinarrizko beharrei erantzuten diegunak estatuek bere ardurak betetzen ez dutenean. Horregatik, eskubide sozialetan egiten duen murrizketa bakoitza gure bizkarrean zama handia da.
Ez dugu onartzen. Nekatu gara motxila handi eta pisutsu hauek eramateaz. Babes soziala ez luxua, gure eskubidea da. Emakume langileak gara, lana soberan dugu eta enplegu duina faltan. Eusko Jaurlaritzaren politika antisozialek jendartearen bazterretara eta miseriara garamatzate. Feministok badakigu alternatibak badaudela: bizitza duina eta burujabea ahalbidetuko duen Babes Sozialerako sistema publiko, propio, duin eta kalitatezkoa nahi dugu.
Horrela, Mugimendu Feministako eragileei deia egiten dizuegu ekainaren 22an, 12:00etan, Eusko Jaurlaritzaren aurrean Bilbon burutuko dugun ekintzan parte hartzera eta ekimena bera, zabaltzen laguntzera. Ekarri zuen motxilak, zama eraikinaren atean deskargatzera goaz eta.
Bizitza burujabea eskubide osoz!
Murrizketa gehiagorik ez! Pobrezia gehiagorik ez!
Gora borroka feminista!
-
21
Laura esaten zioten
“Laura esaten zioten” liburuaren aurkezpena Kartzela Zaharrean
Ekainak 21ean, arratsaldeko 19:00etan
Miren Odriozola eta Leire Ibarguren izango ditugu Ekainak 21ean Kartzela Zaharrean.
“Laura esaten zioten” Miren Odriozolaren bizitza kontatzen duen liburua da, Leire Ibargurenek idatzitakoa. Miren, internazionalismoaren banderapean, 1980ko hamarkadan El Salvadorren izan zen, FMLN-k gidatzen zuen matxinadarekin bat eginik guduan parte hartzen. Sanitaria gisa hasiera batean eta bestelako ardura ugarirekin gerora. Laura esaten zioten.
Leirek dio, beraien herrian (Azpeitian) liburua irakurri dutenak harrituta geratu direla beraien herriko pertsona batek halako esperientziak bizi izanaz, “askotan elkarren ondoan bizi gara baina ez dakigu elkarren berri”, dio.
Mirenek bere biografia idazteko beste proposamen batzuei ezezkoa eman izan die, baina Bilgune Feministak eta Emaginek egindako proposamenari ezin izan dio uko egin. Halaxe kontatzen du Mirenek: “nere alde ahula topatu eta esan zidaten: zu feminista izanik, eta emakumeen istorio eta esperientziak hain gutxi idazten direlarik, kontatu behar duzu hori eta atera behar dugu liburua”.
Bergaran ere istorioa ezagut dezagun, Angiolillo liburutegiak eta Martxanterok antolatutako liburu aurkezpena izango da.
INFO GEHIAGO: